ອ່ານແຕ່ຫົວຂໍ້ຕົນເອງຍັງຮູ້ສຶກມ່ວນແລ້ວ! :D ຕັ້ງແຕ່ກ່ອນໄປຕົນເອງຄິດໄວ້ແລ້ວວ່າແນວໃດກໍ່
ຕ້ອງໄປຫຼີ້ນໂຕກຽວໃຫ້ໄດ້ແລ້ວຄວາມຄິດນັ້ນກໍ່ເປັນຈິງ, ເນື່ອງຈາກ Honda Foundation ໄດ້ເຊີນໄປຮ່ວມງານມອບລາງວັນ Honda Prize
2013 ທີ່ໂຕກຽວໃນຊ່ວງທີ່ເຮົາໄປເຝິກງານຢູ່ທີ່ນາຣາ, ຕົນເອງດີໃຈຫຼາຍຖືວ່າໂຊກດີທີ່ເຂົາເຈົ້າເຊີນແລະຈ່າຍຄ່າເດີນທາງໃຫ້ອີກ(ທຳອິດນຶກວ່າສິໄດ້ເສຍເງິນເອງຊັ້ນດ໋ອກ). ເຊິ່ງໄປຊ່ວງວັນທີ 18-21 ເດືອນພະຈິກໄປທັງໝົດ 4 ມື້. ເຊິ່ງການເດີ່ນທາງແມ່ນຂີ່ລົດໄຟໄວ Shinkansen ໂດຍໃຊ້ເວລາປະມານ 2 ຊົ່ວໂມງ 45 ນາທີ.
|
Shinkansen On Board
|
ມື້ທີ 1 : ອອກເດີ່ນຈາກນາຣາໄປກຽວໂຕເພື່ອໄປຂຶ້ນລົດໄຟໄວການເດີ່ນທາງຈາກນາຣາໄປກຽວໂຕໃຊ້ເວລາ ໑ ຊົ່ວໂມງໂດຍປະມານ, ສຳລັບຕົນເອງການຂີ່ລົດໄຟໄວແມ່ນເປັນຄັ້ງທຳອິດໃນຊີວິດຈຶ່ງຮູ້ສຶກຕື່ນເຕັນເປັນພິເສດແຖມຍັງມີເອື້ອຍໜອຍໃຈດີມາສົ່ງແລະພາຊື້ປີ້ລົດໄຟໃຫ້ອີກຂອບໃຈເດີ້ເອື້ອຍ ^^, ຢູ່ທາງໃນລົດໄຟຟວກໍ່ຄັກດີຄ້າຍໆຍົນ. ມື້ທຳອິດຢູ່ໂຕກຽວກໍ່ບໍ່ໄດ້ໄປໃສຫຼາຍ ຫຼັງຈາກຮອດສະຖານີໂຕກຽວແລ້ວກໍ່ຂີ່ລົດໄຟກົງໄປຫາບ່ອນພັກ, ເຊິ່ງຕົນເອງໄດ້ພັກຢູ່ໂຮງແຮມ ACE INN ໃນເຂດຊິນຈູກຸ, ຂໍເລົ່າປະສົບການຈາກທີ່ເຄີຍເຈີສະຖານີລົດໄຟນ້ອຍຢູ່ນາຣາ ເຂົ້າມາເຈີສະຖານີຢູ່ໂຕກຽວມັນໃຫຍ່ອີ່ຫຼີຊ້ຳບໍ່ໜຳຍັງໂຄດຊັບຊົນເລີຍ, ສິ່ງທີ່ເຮັດໄດ້ກໍ່ຄືຍ່າງເຂົ້າໄປຖາມບ່ອນປະຊາສຳພັນເລີຍ, ໃຄ່ແຕ່ຖາມອັງກິດເຂົາເຈົ້າກະຕອບເຮົາພໍເຂົ້າໃຈແນ່, ຕອນຊິຕໍ່ລົດໄຟອອກມາຫາທີ່ພັກເສຍເວລາມົວປະມານ 20 ນາທີຍ່າງໄປຍ່າງມາຖາມຄົນຢູ່ຫັ້ນແນ່, ລະກະມົ້ວນຳ Google Map ແນ່, ສຸດທ້າຍກໍ່ມົວສຳເລັດອອກມາຕໍ່ລົດໄຟໃຕ້ດິນ. ຫຼັງຈາກເອົາເຄື່ອງໄປໄວ້ຢູ່ທີ່ພັກອອກ, ກໍ່ອອກມາງານ Honda Prize
2013 ຢູ່ທີ່ໂຮງແຮມ Imperial. ງານເລີດຫຼູອະລັງງານ ຜູ່ບັນຍາຍແຕ່ລະຄົນບັນຍາຍໄດ້ສຸດຍອດຫຼາຍ, ອີກຢ່າງໜຶ່ງທີ່ປະທັບໃຈກໍ່ຄືອາຫານແຊບຫຼາຍ :D ນອກຈາກທີ່ໄດ້ຟັງບັນຍາຍແລະກິນອາຫານທີ່ສຸດຍອດແລ້ວ, ຕົນເອງຍັງໄດ້ເຈີຜູ່ໄດ້ຮັບລາງວັນ Honda YES Award ຈາກປະເທດຫວຽດນາມ 2 ຄົນ, ກໍາປູເຈຍ 2 ຄົນ ນຳ, ເຮົາໄປຄົນລາວຜູ່ດຽວທີ່ໄດ້ເຂົ້າຮ່ວມໃນງານຄັ້ງນີ້. ຫຼັງຈາກແລ້ວງານເຮົາກໍ່ກັບຕາມເສັ້ນທາງທີ່ Google Map ບອກ, ມາໂຕກຽວຄັ້ງນີ້ໃຄ່ແຕ່ມີ Pocket Wifi ທີ່ທ. ກຸ້ງ ລູກໝູ່ພໍ່ຊອກຫາໃຫ້ (ຂອບໃຈເດີ້), ຄັນບໍ່ມີ Pocket Wifi ຄືສິຊັບຊົນຫຼາຍເຕີບ ຫະຫະ
|
Inside Shinkansen Bullet Train |
|
|
|
|
Honda Prize 2013 Ceremony |
ມື້ທີ 2 : ລຸຍເຕັມທີເຊິ່ງເລີ່ມຕົ້ນທີ່ວັດຊື່ດັງທີ່ຫາເຫັນຢູ່ Google ກໍ່ຄືວັດ Sensoji ທີ່ຢູ່ແຖວ Asakusa ເຮົາກໍ່ມົ້ວຕາມ Google Map ມາກໍ່ມາຖືກຈົບດີ, ເບິ່ງຕາມແຜນທີ່ກ່ອນສິອອກເດີ່ນທາງເຫັນມີ Tokyo Sky Tree ບໍ່ໜ້າສົງໄສຫຼັງຈາກອອກຈາກສະຖານີລົດໄຟມາກໍ່ເຫັນເລີຍມາມັນມະຫຶມາອະລັງການອີຫຼີ່, ແຕ່ຕົນເອງເລືອກໄປວັດກ່ອນກໍ່ຍ່າງໄປຕາມແຜນທີ່ກໍ່ເຈີວັດຄົນຫຼາຍອີຫຼີ່, ວິວທິວທັດງາມ, ວັດກໍ່ງາມ. ແຕ່ເສຍດາຍອັນດຽວມາຄົນດຽວບໍ່ມີຄົນຖ່າຍຮູບໃຫ້, ສິ່ງດຽວທີ່ເຮັດໄດ້ກໍ່ຄືບາກໜ້າໄປຂໍໃຫ້ຄົນແຖວນັ້ນຖ່າຍຮູບໃຫ້.
|
At Sensoji Temple |
|
At Sensoji Temple |
|
At Sensoji Temple |
ຍ່າງຫຼິ້ນຢູ່ວັດໜ້ອຍໜຶ່ງແລ້ວກໍ່ຍ່າງໄປ Tokyo Sky Tree ເພາະມັນຢູ່ໃກ້ໆກັນຍ່າງບໍ່ກາຍ 10 ນາທີກໍ່ຮອດ, ຕອນທຳອິດວ່າສິບໍ່ຂຶ້ນໄປເບິ່ງວິວຢູ່ Tokyo Sky Tree ແຕ່ຄິດໄປຄິດມາຂຶ້ນຊະ, ດົນໆມາເທື່ອໜຶ່ງກໍ່ຕັດສິນໃຈເຂົ້າຄິວອັນຍາວຢຽດ ພ້ອມທັງເສຍເງິນ 2000 ເຢັນຄ່າຜ່ານປະຕູ, ຜ່ານໄປປະມານ 1 ຊົ່ວໂມງສຸດທ້າຍກໍ່ໄດ້ຂຶ້ນໄປ, ວິວຢູ່ທາງເທິງງາມອີ່ຫຼີ ແລະສັງເກດວ່າເມືອງຫຼວງເຂົາໃຫຍ່ຂະໜາດ, ຕຶກສູງເຕັມໄປໝົດແຕ່ຜັງເມືອງເຂົາເຈົ້າເບິ່ງແລ້ວງາມຕາເປັນລະບຽບດີ. ຫຼັງຈາກເບິ່ງແລ້ວກໍ່ລົງມາແລະກໍ່ຫາທາງກັບບ້ານ. ຮູ້ສຶກເສຍໃຈເລັກນ້ອຍເຖິງປານກາງທີ່ມື້ນີ້ໄປໄດ້ແຕ່ສອງບ່ອນ. ແຕ່ກໍ່ບໍ່ເປັນຫຍັງມື້ຕໍ່ໄປຕ້ອງໃຫ້ໄດ້ໄປຫຼາຍກວ່ານີ້
|
Queue up! |
|
Tokyo Sky Tree |
|
The view on top of Tokyo Sky Tree |
ມື້ທີ 3 : ອອກເດີ່ນທາງແຕ່ເຊົ້າເຊິ່ງເລີ່ມຕົ້ນໂດຍການໄປ Odaiba ກ່ອນເພື່ອໄປເບິ່ງ Statue of Liberty ແລະ ຫຸ່ນ Gundam ໃຫຍ່ຢູ່ຫ້າງໃນ Odaiba
|
Big Gundam Statue |
|
Statue of Liberty in Tokyo |
|
Statue of Liberty in Tokyo | | | | | | |
0 comments:
Post a Comment